Идната година во Струмица во соработка со полицијата се очекува да бидат поставени камери за видеонадзор во рамките на проектот ,,Струмица безбеден град“. На тој начин полесно ќе се откриваат лицата кои праваат прекшоци и вандалски се однесуваат кон урбаната опрема. Ова го предвидува проектот што струмичани го изгласаа како приоритетен на Форумите на заедницата. Градоначалникот Костадин Костадинов кажа дека ќе бидат поставени камери насекаде во градот.
,, Јас сум благодарен што и СВР Струмица ја прифаќа ова иницијатива бидејки без мониторинг на безбедноста нема да се постигне вистинската цел. Во 2025 година низ целата Струмица, низ паркот ќе има камери се со цел да ги надминеме и лоцираме таа мала група на струмичани кои за жал ја вандализираат Струмица, ги палат контејнерите и се надевам дека преку овој систем ќе го анулираме тој криминалитет“, кажа градоначалникот на Струмица Костадин Костадинов.
Првиот човек на општината Костадин Костадинов немаше сознанија колку камери ќе бидат поставени во градот и на кои локации. Сеуште било проектна иницијатива на која треба да работат секторски тимови.
,, Законот е донесен а во делот на проектирањето ќе повикаме експерти од БЈБ и МВР. Тие ги знаат проблематиките. Но треба да имаме проект за тоа а ние го имаме како приоритетна иницијатива и треба во рамките на Буџетот и со поддршка на Советот да обезбедиме пари и да ја отпочнеме постапката. Ова не голем инфраструктурен проект ,, кажа Костадинов
Поректот ,,Струмица безбеден град“ беше предложен од граѓаните на Форумот на заедницата и доби најмногу гласови со што беше прворангиран како приоритет за реализација во 2025 година. (В.Трајков /фото K.Пиличев)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
