Според неодамнешно локално истражување за врсничкото насилство, меѓу средношколската популација во струмичкиот регион има перцепција дека врсничкото насилство е распространето во училиштата пишува ЛокалАктив.
Но, кога ќе побарате податоци од училиштата и од надлежните институции за бројот на официјални пријави до нив, изгледа како овој проблем воопшто да не постои. Индикација дека младите знаат што е булинг се резултатите од онлајн анкетата која Организацијата на жени од Струмица ја спроведе кон крајот на минатата година.
ЛокалАктив пренесува дека во струмичката полиција оваа учебна година имало само една пријава за настан во кој на ученичка ѝ бил скршен забот, но нема конкретни податоци дали тој случај полицијата го води како булинг, ниту пак се наведуваат причините поради кои дошло до нападот.
„Во текот на оваа учебна година – од 01 септември 2023 година до денес – во СВР Струмица е пријавен еден настан, во кој ученичка била нападната од соученик, при што ѝ била нанесена тешка телесна повреда. Настанот се случил во основно училиште во Струмица, а пријавител е родителот на нападнатата ученичка. За настанот е поднесено известување до надлежен обвинител од Основно јавно обвинителство Струмица, според пропишаното во Законот за права на децата“ – соопштиле од СВР Стумица а случајот го потврдија и од Основното јавно обвинителство во Струмица. Предметот бил формиран и веќе било поднесено барање до судијата за деца во струмичкиот Основен суд за поведување подготвителна постапка.
Целата сторија може да се прочита ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
