Во организација на здружението Еко Росалес во сабота во градскиот парк во Богданци ќе се одржи првиот Фестивал на Југоисточниот регион кој има за цел да ги промовира малите производителите на храна и нивна промоција во Југоистокот. Станува збор за фестивал на кој присутните ќе имаат можност да се запознаат директно со производителите, да воспостават соработка но и да вкусат дел од производите кои ќе бидат изложени.
,,Се очекува на Фестивалот да има околу 20 штандови на кои ќе се престават производители на храна не само од Југоистокот туку и од Скопје, Струга, Неготино, Верово, Велес, Пробиштип. Присутните ќе имаат можност да се запознаат со произвдители на сирење, домати, конзервирани салати, мед и пчелни прозводи, традиционално приготвени слатка од смокви, мармалади, сокови од калинка. На тој начин сакаме да помогнеме малите локални производители да бидат видиливи во јавност и кај потрошувачите,, не информираше Александра Картелова од здружението Еко Росалес
На фестивалот ќе има и богата забавна програма на која ќе настапат културно уметнички друштва но и повеќе изведувачи. Фестивалот го поддржува МЗШВ, Општина Богданци но и Слоу фуд.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
