Во недела на 16 ти ноември во дворот на Црквата „Св. Никола“ во Градашори ќе се одржи традиционалната Празијада која има за цел да ја промовираа оваа култура која наоѓа голема примена во македонската традиционална кујна но и современата гастрономија.
Дека е тоа така ќе потврдат вредните домаќинки од Општина Василево кои за посетителите ќе подготват голем број специјалитети од праз но и ќе раскажат што се може да се прави од оваа есенска култура која изобилува со многу витамини и минерали.
Паралалено Денот на празот ќе и има културно уметничка програма каде низ музика, песна и оро ќе биде презентирана богатата македонска култура а за заедничка веселба ќе се погрижи групата Легато со Ристе Гавровски.
Манифестацијата е во организација на Општина Василево од каде упатуваат покана до сите граѓани да бидат дел од познатата ,,Празијада“ на која ќе имаат можност и да си купат квалитетен праз токму од Градашорци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
