Во два одделни случаи, приведени тројца гевгеличани – во нивните возила пронајдена марихуана и прашкаста материја

276

Нa 27.09.2025 во 20:00 часот на влез во село Мрзенци, гевгелиско, полициски службеници од СВР Струмица-ОВР Гевгелија го лишија од слобода Р.П.(32) од Гевгелија. При контрола на патничко возило „опел“ со гевгелиски регистарски ознаки, кое го управувал, кај него е пронајдена марихуана. Во Полициската станица Гевгелија бил повикан и А.М.(19) од Гевгелија, кој бил сопатник во возилото и со него бил извршен службен разговор. Запознаен е јавен обвинител од Основното јавно обвинителство Гевгелија, а по документирање на случајот против Р.П. ќе биде поднесен соодветен поднесок.

На 28.09.2025 во 01:20 часот во Гевгелија, полициски службеници од СВР Струмица-ОВР Гевгелија ги лишија од слобода Т.К.(23) и С.И.(25), двајцата од Гевгелија. При преглед на патничко возило „опел“ со гевгелиски регистарски ознаки, во кое биле затекнати лицата, била пронајдена бела прашкаста материја и предмети со остатоци од бела прашкаста материја. Запознаен е јавен обвинител од Основното јавно обвинителство Гевгелија, по чии насоки се преземаат мерки за документирање на случајот, по што против лицата ќе биде поднесена соодветна пријава.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.

ПОВРЗАНИ СТАТИИПОВЕЌЕ ОД АВТОРОТ