На градското шеталиште во Гевгелија се одбележа Светскиот ден на Пулмоналната Хипертензија , родното место на Ѓургица Ќаева, која пред 10 години го формираше и беше претседател на Здружението Асоцијација за Пулмонална Хипертензија Момент Плус Гевгелија.
Токму „Момент плус“ и Ратко Ќаев беа и организатори на целата културно уметничка и спортска програма. Пред гевгеличани настапија „Фониа“, Наталија Данаилова, Марија, Крџе, Моки, Мартин Костадинов, Филип Ангов, Душко Лазаров, Ансамбл „Бојмија“, како и Танцовото студио „Мистик Денс“.
Исто така беше организирано и почесно трчање од 5 километри во чест на Ѓургица и сите останати пациенти кои ја загубија борбата со ПХ. Настанот беше поддржан од PHA Europe, M-PRO Sound Production, АК 7ми Ноември, Општина Гевгелија, МВР Гевгелија, Општа Болница Гевгелија и ЈП Комуналец Гевгелија.
,,Сè уште се бориме, но со ваша поддршка се приближуваме кон тоа нормалното утре да стане реалност за пациентите со ПХ. ПХ е невидлива болест, а оние кои боледуваат од неа често се неправедно обвинети дека се мрзеливи или неактивни. Ова може да доведе до чувство на изолација и напуштање, што може да ги влоши и онака тешките симптоми на PH. Можете да направите разлика со тоа што ќе им понудите на поединците со PH – без разлика дали се пријатели, членови на семејството или познаници – подадена рака, разбирање и позитивен став. Ајде да работиме заедно за да ги поддржиме погодените од ПХ и да им покажеме дека не се сами,, апелираа од Момент плус 
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
