Првиот човек на Општина Василево го потпиша Договорот со Владата за доделување средства за изградба на фекална канализација во општинскиот центар. Како што објави градоначалникот Славе Андонов најголемото негово ветување во предизборната кампања станува реалност, бидејки секое домаќинство во општинскиот центар ќе добие приклучок на фекална канализација.
,,На овој голем празник Св.Петка, историски момент за населеното место Василево- секое домаќинство во Василево ќе добие приклучок на фекална канализација. Моето најголемо ветување,фекална канализација за цело Василево,станува реалност.Денес во Владата на Република Македонија го потпишав договорот со кој се обезбедуваат средства за реализација на овој проект,, објави градоначалникот Славе Андонов
Во Владата денеска беа потпишани договори со општините за реализација на 274 проекти за капитални инвестиции во вредност од 4,1 милијарда денари. Договорите се однесуваат за реализација на проекти во делот на образованието, транспортот, социјалната политика, културата и туризмот, животната средина и во спортот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
