Градоначалникот на општина Василево Славе Андонов, во населеното место Василево, изврши увид во стартот на градежните активности на улицата која води покрај каналот во ова населено место. Планираните активности вклучуваат обележување и обезбедување на трасата, поставување на нов тампон, асфалтирање како и конструирање на потпорен ѕид.
Должината на улицата е 420 метри а ширината од 3,5 до 5,0 метри во зависностод состојбата и условите на теренот. Улицата започнува од спојот со постоечка улица во центарот на Василево, а се протега покрај каналот за наводнување и завршува 420 метри јужно од Василево, на делот од индустриската зона што се протега кон Добрејци и Струмица. Еден дел од улицата е веќе асфалтиран.
Улицата се гради во рамки на „Проектот за поврзување на локални патишта во РСМ” кој се реализира од Министерството за транспорт и врски со финансиска поддршка од Светска Банка. Изведувач на градежните активности е компанијата Ескаватори МК дооел.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
