Утре на градскиот базен на Валандово ќе се одржи познатата ,,Валандовска ракијада“ на која според најавите од градоначалникот Перо Костадинов ќе има 20 тима од лозари кои со казани ќе печат и ќе се натпреваруваат кој прави подобра домашна лозова ракија.
Станува збор за традиционална манифестација која има за цел да се негува и продолжи фамилијарната традиција и негување на вредностите на повозрасните за правење ,,домашна“ од сопствено производство.
Ова манифестација се одржува од 2000 година бидејки Валандово е познато по вековната традиција на одгледување лозје, правење вино и ракија а валандовчани како врвни мајстори секоја година го покажуваат процесот на печење ракија преку јавна демонстрација на занаетот кој предизвикува интерес кај љубителите на добрата лоза.
За време на манифестацијата ќе има и богата културно музичка програма а гостите освен процесот на печење ракија ќе може да вкусат и дел од традиционалните производи што ги одгледуваат валандовчани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
