Во општинскиот центар Босилово физичките и правни лица ќе може да го селектираат пластичниот отпад откако општината доби донација од 40 канти за собирање на пластика од Прокредит Банка. Информацијата ја објави градоначалникот на Босилово Ристо Манчев откако со преставникот на банката потпишаа договор за соработка а корпите беа доставени во Босилово кои ќе бидат поставени на јавни места каде жителите ќе можат да ја депонираат пластиката
,,Кантите ќе бидат поделени пред јавни и деловни објекти во Босилово и на јавни места во Босилово, а пластиката ќе се подига секој втор петок. Сите граѓани од Босилово кои сакаат да се вклучат во акцијата и кои ќе селектираат пластика, може да се јават во комуналното претпријатие и ќе бидат вклучени во подигањето на отпадот. На почеток граѓаните отпадот ќе го селектираат во сопствени садови или вреќи, а во текот на наредната година ќе добијат посебни канти,, објави градоначалникот Манчев
Според проекциите на локалните власти во иднина, општината планира овој концепт на селекција на отпад да го применува и по другите населени места
Инаку денес за учениците од ООУ “Гоце Делчев” – Босилово беше организирано и едукативно предавање за селекција на отпадот при што децата депонираа пластичен отпад во училиштето, а за возврат добија скромни подароци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
