Во општинскиот центар Босилово беа презентирани резултатите од проектот ,,Ефикасно спречување и ублажување на последиците од поплави во прекуграничениот регион“ што го имплементираа општините Грмен од бугарска и Босилово од македонска страна. Станува збор за проект со кој двете општини ја подобрија инфраструктурата за ублажување на последиците од поплави но и ги подигнаа капацитетите на надлежните институции за справување при ваков тим елементарни непогоди.
Во Босилово беше изграден бетонски одводен канал од 500 метри додека во населеното место Бориево од 120 метри. Двата канали би требало да ги апсорбираат атмосферските води при поројни дождови ,за да се спречаат евентуални поплави по обработливите површини и домовите на жителите од овие две населени места.
,,Со реализацијата на овој проект ја подобривме инфраструктурата за превенција и заштита од поплави и ублажување на последиците. Самиот проект имаше и едукативно превентивни активности со цел да се едуцираат сите чинители на локално и национално ниво при појава непогоди. Како општина сега сме поподготовени да се справиме со ризиците при услови на поплави во Босилово и Бориево но ќе работиме и во иднина за да ја подобриме и останатата каналска инфраструктура,, рече градоначалникот Ристо Манчев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
