Премиерот Зоран Заев во синоќешното интервју за ,,Економски магазин’’ на ТВ Алсат М кажа дека сите возила со странски таблички кои влегле во земјава до 1 октомври 2020 може да се регистрираат со поволности од 50 проценти на сите давачки, но мора да го исполнуваат еколошкиот стандард за увоз, над евро 4 стандардот. Сите останати како што кажа Заев ќе мора да го почитуваат европскиот механизам а тоа е возилото да биде три месеци во државата и минимум три месеци надвор од државата.
„Согласно актуелни барања во изминатиот период, законски ќе се создаде можност за регистрација на возилата кои сега се со странски таблици со давачки намалени за 50% од утврдената вредност на сите давачки кои се наплатуваат при увоз. Возилата за кои е поднесено барање за регистрација треба да го исполнуваат еколошкиот стандард за увоз, над евро 4 стандардот. Дополнително се вградува механизмот европски, а тоа значи сите следни кои ќе останат со странски таблички, мора да го почитуваат европскиот механизам, а тоа е три месеци во државата и најмалку три месеци возилото да биде надвор од земјата. Системите на МВР сето ова ќе го следат. Пресекот го правиме на 1 октомври, што значи можноста е дадена за сите возила кои се влезени пред 1 октомври, а ги исполнуваат еколошките критериуми. Целта на ова решение е регистрацијата да биде дома, тие средства одат понатаму за патишта, за општините, како и за важни фондови“, рече премиерот Зоран Заев во интервјуто на Алсат М, во емисијата „Економски магазин“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
