Возачот на комбето што вчера предизвика сообраќајка на улицата Младинска во Струмица е приведен во полициската станица во Струмица соопшти МВР. Според полицијата станува збор за 27 годишен жител од Кочани кој со возилото ,,рено мастер” удрил во три возила едно во движење и две паркирани . Според МВР во комбето биле пронајдени 32 миграни од Авганистан, Пакиста, Бангладеш, Сирија и Ирак од кои 8 се здобиле со повреди
,,Вчера товарно возило „рено мастер“, со кочански регистарски ознаки, управувано од С.С.(27) од Кочани, удрило во патничко возило „алфа ромео“, со струмички регистарски ознаки, управувано од Б.Б.(26) од Струмица и во паркирани патнички возила „цитроен ц4“, со струмички регистарски ознаки, и „фолксваген поло“, со бугарски национални ознаки,, стои во информацијата од МВР
Во комбето „рено мастер“ биле пронајдени 32 мигранти, од кои 15 од Авганистан, девет од Пакистан, шест од Бангладеш и по еден од Сирија и Ирак.
,,По незгодата, во Медицински центар Струмица биле пренесени осум мигранти, при што кај двајца биле констатирани тешки телесни повреди, а кај шестмина телесни повреди. Возачот С.С. бил приведен и задржан во Полициската станица Струмица.,, соопшти МВР која најави пријава против кочанчанецот а мигрантите се префрлени во Прифатниот транзитен центар Винојуг кај Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
