Инспекторите од Агенцијата за храна и ветеринарство при контроли на магацини, маркети и продавници утврдиле неколку неправилности кај новогодишните пакетчиња.Од извршените 62 вонредни контроли, на две места инспекторите нашле новогодишни пакетчиња кај кои производите се со изминат рок, како и со краток рок на траење, до 12.2024 година.
Според АХВ, при контролите биле најдени и пакувања кај кои производите иако имале уреден рок на траење кај нив биле констатирани промени во бојата, изгледот или мирисот. Инспекторите утврдиле несоодветно означување на пакетчиња кај четири оператори, кај три вида пакетчиња е констатирано дека на збирното пакување нема наведено рок на траење, односно датум на минимална трајност на производите кои ги содржи новогодишното пакетче, поради што е наредено нивно повлекување од промет.
Од Агенцијата велат дека на операторите кај кои биле утврдени неусогласености, наредено им е повлекување на пакетчињата од промет и нивно уништување, за констатираните неправилности се издадени решенија за отстранување на неусогласеностите, а биле изречени и соодветни прекршочни пријави.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
