Искусниот Владо Милев се повлекува од ОК Струмица – клуб кој со години ги освојува Шампионските и КУП титулите на Македонија во одбојка. Веста ја објави неговиот матичен клуб кој изрази огромна благодарност за се што направи Милев во досегашниот негов ангажман врзан со ОК Струмица
„По внимателно размислување, Владо одлучи да се повлече од клубот – и како претседател, и како играч. Оваа одлука е направена во согласност со неговите принципи и визија, прифаќајќи дека продолжувањето на соработката со дел од управата, со различни вредности и пристапи, не е во согласност со тие принципи. Сè што Владо постигна со клубот е трајна вредност и сведоштво за трудот, посветеноста и интегритетот со кои го водеше клубот“, стои во објавата на клубот
Владо Милев во 2020- тата се врати во Струмица по 13 години интернационална кариера. Тогаш потпиша договор со Џио Струмица. Беше носител на играта на струмичани во походот за нови титули но и еден од мотиваторите за развој на младинските школи и доминацијата на струмичката одбојка на македонската сцена. Во 2024 Милев беше избран за претседател на ОК Струмица.
Како претседатал Милев ја реализираше соработката со Jastrzębski Węgiel од Полска со што се отворија европските врати за размена на искуства и унапредување на одбојката со фокус на младите. Покрај спортските успеси, Владо ја изгради препознатливоста на клубот преку меѓународни и еразмус проекти, создавајќи систем и визија кои го поставуваат клубот на европската карта.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
