Топлото време и високите температури го зголемија бројот на повици и прегледи во струмичката итна медицинска помош. Зголемен број интервенции тимовите имаат и на терен, каде секојдневно интервенираат кај пациенти со проблеми предизвикани од жештините.
На дневна основа се реализираат над 100 прегледи, а најголема фреквенција на пациенти службата бележи во вечерните часови, кога не работат матичните лекари и е зголемен бројот на граѓани кои бараат итна медицинска помош.
Најчестите причини за интервенции се колапси предизвикани од топлото време, покачен или намален крвен притисок, главоболки и општа омалаксаност. Дополнително, сѐ почесто се пријавуваат и случаи на цревни инфекции
Со цел заштита на здравјето, лекарите апелираат граѓаните да се придржуваат до општите препораки и да избегнуваат директна изложеност на сонце во најжешките периоди од денот. Дополнително, предупредуваат да не земаат терапија без да се консултираат со нивниот матичен лекар.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
