Велосипедскиот клуб ,,ВК Актив’’ од Струмица одбележа седум години постоење. Од некогаш мала група за промоција на велосипедизмот како спорт и да се потикне интерес за рекреативни вело настани, сега стана респектабилен клуб кој брои 70 членови. Но основната цел за унапредување на велосипедизмот во струмичко како спорт и за рекреативни цели останува и понатаму. Членовите на ВК Актив тврдат дека не отстапуваат од идејата велосипедите да бидат наше секојдневие и дека треба младите уште од најмали нозе да се насочуваат кон велосипедизмот кој во светски рамки станува атрактивен и како спротска дисциплина но и како средство за рекреација но и за превоз до посакуваната дестинација
,,Средината околу нас мислеше дека ова ќе биде една мала група на луѓе, која после кратко време ќе ја изгуби желбата да се биде еден организиран клуб. Но, со неколкуте години од нашето постоење пред се заради нашата љубов кон овој спорт, и поради една прекрасна позитивна енергија која се шири меѓу учесниците при заедничкото совладување на вело турите не направи една компактна екипа на веќе околу 70 членови меѓу кои и 6 активни девјки кои го сакаат велосипедизмот. Денес веќе сме една препознатлива група која полека гради свои правила на фукционирање, брендирање на своите учесници со квалитетна опрема, со квалитетни марки на велосипеди, со совети за правилно возење до новите членови, а посебно до децата-најмладите кои ете искрено многу од нив не гледаат како нивни херои,, велат од клубот
ВК Актив за овие седум години постоење има своја сопствена канцеларија, свое возило за транспорт и придружба на велосипедистите, потоа претседател и широк совет за координирање на своите активности. Учесник е и организатор на повеќе настани каде го промовира возењето со велосипед. Главен настан им е дводневната вело тура ,, Мистериите на Беласциа’’ кој годинава помина со околу 200 учесници а при крајот на декември ќе го организираат настанот “Трчаме со Николчо” – 42 км. од Струмица до Дојран во честа на нашата фудбалска легенда Благој Истатов
,,Мислиме дека уште може да се стори за велосипедизмот во Струмица, посебно би сакале да посветиме внимание на обука на најмладите со конструирање на своја сопствена велосипедска трака, не ги забораваме ниту повозрасните кои го покажуваат својот интерес за возењето велосипед со корисни совети за нив, и секако треба да се направи и осмисли една поширока кампања меѓу сите учесници на сообраќајот за да не препознаваат како рамноправни учесници низ нашите улици’’, велат од ,,ВК Актив’’ Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
