Општина Богданци ќе пристапи кон реализација на уште еден проект од Форумот на заедниците од минатата година, откако од грантот од 50 илјади швајцарски франци, останаа неискористени средства. Заради постигнатите пониски цени на тендерот за проектот ,,Безбеден граѓанин-Среќен граѓанин’’ со кој во Богданци се уреди режимот на сообраќај а беа поставени и сообраќајни знаци, според информациите останале околу 500 илјади денари па за да не пропаднат општинските власти одлучија да бидат наменети за реализација на ушта една иницијатива која произлезе од страна на граѓаните од Форумот.
На дополнителната форумска сесија одржана деновиве, граѓаните одлучиле да се прифати иницијативата и останатите пари да се наменат за Богданци „Уредување на повеќенаменско спортско-рекреативно катче за деца и млади“ предложен од младите. Истиот предвидува реконструкција, уредување и збогатување со нови содржина на постоечкото детско игралиште спроти Домот на култура Бранд Петрушев во Богданци каде ќе биде поставена дополнително нова опрема детско катче и лулашка но ќе бидат поставени и фитнес справи на отворено, се планира да има и опрема за лица со посебни потреби за да има социјална инклузија проектот
За овој проект општината веќе дала позитивно мислење и обезбедила средства во Буџетот за негова реализација. Истиот е проектиран на околу 2,1 милион денари. Овие денови се очекува да биде распишана јавната набавка за да може до април да се реализира.
Инаку општина Богданци како што објави на својот ВЕБ СТРАНА ова година планира со свои средства да ја реализира и трето-рангираната иницијатива произлезена од Форумите во заедницата: „Партерно уредување на дом на култура во Стојаково“.
Форумските сесии во Богданци беа во рамките на Швајцарскиот проект „Зајакнување на општинските совети“ кој го спроведува УНДП лани а Општина Богданци низ четирите форумски сесии заедно со граѓаните и невладините организации креираа, дискутираа и одлучуваа за приоритетни иницијативи кои би се реализирале во општината со финансиска поддршка од 50,000 CHF
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
