Нема потреба од брзање со давање изјави дека цената на електричната енергија после први јануари ќе се зголеми. Треба да се направи детална анализа за да се види како ќе заврши производството на енергија од ЕСМ, колкави се приходите од продажбата, колкава е потребата од увоз, загубите, за да ја знаеме реалната слика од аспект на домашното производство и што се планира идната година. Вака истакна првиот човек на Регулатрона во Струмица Марко Бислимоски, откако министерот Фатмир Бесими најави зголемување на ДДВ то за електрична енергија после 1 јануари од 5 на 10 % а вицеприемиерот Битики кажа дека од Нова година можни се нови цени на струјата за домаќинствата
,, Ние како Регулаторна ќе направиме дополнителни анализа за создавање решенија за да можеме ова зголемување на ДДВ то што се најавува, да го амортизираме и да им излеземе во пресрет на барањата на домакинствата. Јас сум противник за вакви изјави без да се направи анализа на пазарот на електрична енергија. Се што ми стои како механизми на располагање ќе бидат искористени да нема зголемување на цената на електричната енергија,, рече претседателот на РКЕ Марко Бислимовски
Како што потенцираше Бислимовски евентуалното зголемување на ДДВ-то од 5 на 10 проценти, според математиките на Регулаторна, на сегашната цена во апсолутна вредност би значило зголемување за 4,7 % на вкупниот трошок на домакинствата за електрична енергија. Но како што соопшти сепак ова е одлука на Владата која допрва треба да се изјасни дали данокот на додадена вредност од Нова година ќе биде 10 проценти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
