,,Никогаш нема да трпеш за леб ако имаш занает. Колку и да се развива технологијата, секогаш ќе треба електричар“. Вака раскажува Филип Митров од Струмица кој завршува средно електротехничко обрзование при ДСУ „Никола Карев“. Желбата му е еден ден да си отвори фирма која ќе поправа електрични апарати но и ќе изведува електроинсталации по објекти .
,,Се надевам дека по завршување на факултетот дека ќе отворам своја приватна фирма. Тоа ми е желбата. Веќе стекнувам искуство како во школото така и по фирмите каде сум на пракса. Дома работам буквално се, поправам бела техника и инсталација“, вели Филип Митров кој поврзуваше струјно коло на натпревар во школото
Стефан Димовски е автомеханичар заварувач. Никогаш не се покајал што одлучил да се школува на занает. Вели дека заварувачите освен во Македонија се доста барани и надвор од земјава.
„Тоа е занает кој што секојдневно е потребен. Каде и да погледнеш има заварување. Секој човек има потреба од заварување. И воопшто за себе лично убаво е да го знаеш ништо нема да изгубиш. Имам работено огради, ауспуси… Ногарки имам заварувано“, вели Димовски кој се одлучил на тригодишно средно образование
Василов пак тргнал по стапките на татко му. Работи браварија . Во неговото родно место се помалку ги има младите како занаетчии, иако има пари во нив.
,, Па од татко ми. Тој е бравар. Тој работи и јас почнав и тоа е ген. Имам работено со браварија. Заварувам, дехтувам врати, порти. Се што е потребно од браварија“, вели Василов
Освен техничките занаети, се повеќе цена на пазарот имаат и професионалните готвачи. Во Струмица се собраа 30 тина млади да се докажуваат со своите кулинарски вештини.
,, Јас од мал сакав д бидем готвач и тука се запишав, во Струмица. Овде има настани, одиме по пракса. Еве веќе научив да готвам леќа, грав, специфични јадења. Знам да приготвам како сега на натпреварот- пилешко со одделни сосови“, вели Душко Тасев
Државата последниве години го форсира стручно дуално образование.
,,Интересот беше мал но заради интересот на компаниите, расте и интересот кај младите да учат технички струки односно занаети“, вели Архелаос Туранов директор ДСУ „Никола Карев“ Струмица
Целта е младите по завршување на средното училиште бидат поконкурентни на пазарот на труд или да отворат свои работилници или фирми.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
