ОК Сушево кој се натпреварува во Првата одбојкарска лига на Македонија прераснува во вистински репрезент на Општина Василево но и место каде ќе може младите да спортуваат и да градат своја кариера. Членовите на клубот беа во посета на градоначалникот Славе Андонов на кого му искажаа благодарност за поддршката во текот на целата сезона и напорите на локалните власти да овозможи подобри услови за тренинг и натпреварувања.
Градоначалникот на Василево подвлече дека одбојкарите се гордост на Општина Василево бидејки овој регион и Сушево одсекогаш се биле расадник на таленти. Сите од општина Василево треба да дадат свој влог во градењето на клубот кој веќе е етаблиран во одбојкарското друштво на Македонија.
,,Враќањето во првата одбојкарска лига, беше мое предизборно ветување кое и покрај тешката финансиска состојба во која ја затекнав општина Василево, успеав да го реализрам. Вложувањето во спортот како сегмент од секојдневното живеење и особено битен дел во формирањео и градењето на младите личности како здрави граѓани е една од моите определби, од кои и во услови на финансиска криза каква што е моменталната, не се откажувам.Сакам да нагласам дека задоволството од натпреварувањето во Првата одбојкарска лига е заедничко, на сите нас граѓаните на општина Василево, кои сигурен сум се гордеат со резултатите на овие момци, кои не прават горди и радосни“ напиша градоначалникот на Василево Славе Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
