Во општина Ново Село ќе има втор изборен круг. Двајцата кандидати за градоначалник не успеа да го обезбедат потребниот цензус – 50 одсто од излезените плус 1, за да ја освојат градоначалничката функција. Тие преку своите фан страни на ФБ, упатија пораки до граѓаните на општината, кои вчера се изјаснуваа за прв човек на ова локална самоуправа каде на 5 мај повторно ќе се гласа.
,,Ви благодарам на сите кои гласавте на овие избори и ја искажавте својата волја. Ве повикувам сите да излеземе масовно и во вториот круг. Од Вас зависи дали нашата општина Ново Село ќе оди напред. Да направиме уште еден сигурен чекор напред. Вие одлучувате дали општината ќе оди напред или ќе остане изолирана и затворена,, напиша Никола Андонов кандидат за градоначалник на СДСМ кој вчера осови 2693 гласа
Се огласи и кандидатот на ВМРО ДПМНЕ Николче Стоилков кој вчера доби 60 гласа повеќе од противкандидатот Андонов или 2753 гласа од излезените гласачи.
,,Изразувам огромна благодарност за подршката и довербата која ми ја дадовте на гласањето. Ве повикувам да се охрабриме и во вториот круг да ја повториме и зголемиме победата и конечно нашите населени места после две ипол години неработење ги оживееме и градиме заедно,, напиша Николче Стоилков кандидат за градоначалник на Ново Село од ВМРО ДПМНЕ.
Во Ново Село вчера гласаа 5 549 граѓани или 49, 1 одсто од запишаните граѓани со право на глас. 103 ливчиња беа неважечки кои пресудија во ова општина да има втор изборен круг
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
