ФК Академија Пандев ги информира сите лубители на фудбалот од струмичко дека за престојниот меч со Зрински од Босна во првото квалификациско коло од Лигата на Европа во четврток , ќе има организиран превоз до Скопје со обезбедена влезница.
,,Информација за сите струмичани дека ќе има организиран превоз, како и обезбедена влезница за сите кои ќе патуваат со организираниот превоз. Задолжително најкасно до вторник секој заинтересиран да се пријави во канцеларијата на Академија Пандев во спортска сала „Парк“. Тргнување на ден на натпревар во 15.30 часот од паркингот на спортската сала” велат од клубот
Влезници по цена од 100 денари може да се набават и ТА Лагуна Травел и на интеренет платформата www.kupikartizase.com , во сите продажни места низ Македонија, како и на самата билетара на арената „Тодор Проески“ во Скопје на денот на натпреварот.
,,Со овој натпревар нашиот клуб испишува една нова страница во клубската историја, а нашите играчи ќе дадат се од себе да што подолго се задржат во европските натпреварувања. Затоа ги покануваме сите љубители на фудбалот да дојдат и да ни дадат поддршка и со победа да ги стартуваме квалификациите за Лига Европа“, објавија од ФК Академија Пандев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
