Џио Струмица за Шампионската титула стартува од лидерската позиција без пораз, третпат го надигра Вардар

533

Последното коло од вториот круг во елитната група во македонскиот машки одбојкарски шампионат не донесе изненадување. Џио Струмица забележа нова победа трета во меѓусебните пресметки со скопски Вардар  со резултат од 3:0 во сетови и го сочува максималниот учинок во досегашното натпреварување. Од 15 меча 15 победи со што е најсериозен кандидат да го дигне победничкиот трофеј во македонскиот одбојкарски шампионат.

Победата на струмичани против Вардар воопшто не беше доведена во прашање. Момците на Кире Ричлиев во сите три сета беа доминантни наспроти црвено црните кои се обидуваа да фатат резултатски приклучок низ сетовите но не им одеше од рака.

Џио Струмица во завршницата од првенството за освојување на Шампионската титула влегува од лидерската позиција без ниту еден пораз. Со биланс 15 победи и ниту еден пораз, струмичани имаат вкупно 44 бода десет повеќе од второпласираната Универзитет во Тетово

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.