Членови од здружението Changemakers4all од Гевгелија го исчисти ѓубрето од Клмова чешма и повика на еко чистење во недела

1585

Членовите од здружението ,, Changemakers4all’’ од Гевгелија деновиве го исчистија излетничко рекреативниот локалитет ,,Клмова чеша’’ спроти Негорски Бањи од ѓубрето што го оставиле или фрлиле несовесни граѓани и најавија нова еко акција за во недела. Тие завчера собраа околу 20 тина вреќи разновиден отпад, најмногу пластика, текстил и стаклена амбалажа.  Како што не инфомрираше Марина Томова ова е петта акција на ,, Changemakers4all’’  од Гевгелија. Претходно ја чистеа областа околу ,,Катерина чешма’’ на Кожув, локалитетот  Вардарски рид, областа околу Железничка

,,Сакаме да предизвикаме промени и гледаме дека веќе ги има. Не радува што на нашите еко акции почнаа да се вклучуваат повеќе граѓани од различни профили. Само заедно можеме да направиме промени. Потребно е подигање на свеста оти ова што го правиме е за нас и нашите деца’’, ни изјави Марина Томова од здружението

Инаку ова здружение веќе во недела најави нова еко акција  под мотото ,,Не биди ѓубре’’ . Се планира во соработка со комуналното претпијатие од Гевгелија ќе се собираат отпадоците и ѓубретот околу мостот на Серменинска река на патот од Мрзенци кон Негорци. Упатија апел да сите гевгеличани

,,За поубава и почиста околина за сите. За чист град во кој е гордост и задоволство да се биде жител. Ве покануваме да дојдете со велосипеди, а за оние кои имаат силна волја но немаат начин, членовите на ,, Changemakers4all’’  ќе се потрудат со сопствените возила да обезбедат превоз за сите заинтересирани од кружниот тек кај Стеак Хаус,, објави ова здружение на својата ФБ страна.

Марина Томова верува дека сите граѓани треба да се грижат за средината во која живеат. Таа упати апел до сите млади личности да се приклучат на ова еко акција за да се испрати силна порака до останатите, дека секој заслужува чиста животна средина, чисти јавни зелени површини и чисти излетничко рекреативни места

,, Ние сме огледало за идните генерации, за нашите деца. Само ние можеме да ја креираме нивната иднина и да ја подигаме свеста. Сакаме да упатиме апел и  до општинските власти да воведат построги казни за флање отпадок на несоодветни места, но пред се до сите жители за поголема грижа и внимание со отпадот ,, ни изјави Томова од здружението ,, Changemakers4all ’’

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.