Фрлиле платнена прекривка и даска и ја запушиле канализацијата на дел од Радовиш, ЈП Плаваја реагира

474
Од ЈП Плаваја од Радовиш објавија фотографии со кои алармираат до жителите да внимаваат и бидат претпазливи и да не фрлаат било какви предмети во канализационата мрежа. Имено екипи на ова ЈП деновиве пристапило кон чистење на канализацијата на улицата Плачковица спроти улицата Лисец при што не успеале со специјално возило и пристапиле со копање и кршење на цевката. Тогаш забележале дека канализацијата била запушена од фрлена платнена прекривка во која замотале даска при што на нивниот ФБ профил објавија и фотографии
,,Уште еднаш нашата „култура“ и однесување кон се она што значи општествено добро, дојде до израз. Во една цевка со дијаметар од 22cm нашите сограѓани успеале да фрлат цела платнена прекривка во која замотале и дрвена даска и со тоа намерно да предизвикале запушување на канализацијата. ЈП„Плаваја“ Радовиш најостро го осудува ваквото однесување кое без предрасуди може слободно да се нарече срамно, некултурно и неодоговорно,, стои во ојбавата на ова комунално претпријатие

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.