Фото: Се реконструира патот Струмица – Ново Село, се санираат ударните дупки и се поставува нов асфалт

1284

Деновиве интензивно се работи на магистралниот патен правец А4 Струмица – Ново Село во должина од 12,7 километри, информира ЈП Државни патишта. На ова делница градежна механизација веќе работи на отстранување на оштетениот асфалт. Како што стои во нивното известување градежните работи се во тек и досега биле асфалтирани околу еден километар од ова делница.

,,Градежните активности продолжуваат на пополнување на ударни дупки и асфалтирање на завршен слој”,  стои во известувањето од ЈП Државни патишта поставено на нивната ФБ страна

Магистралниот пат А4 Струмица – Ново Село е еден од 12 – те патишта финансирани со средства од Светска Банка со вкупен износ на сите патишта од 14,3 милиони евра.
Патот Струмица – Ново Село спаѓа во ЛОТ 4 со вредност од 3,7 милони евра.

Во југоистокот од ова програма ќе се реконструира  и регионалниот пат Р1109, Дедели – Фурка – Богданци – Гевгелија, во должина 24 од километри

Зимава млади активисти  со герила акција предупредија за дупките на патот Струмица, граничен премин Ново село кои се полни со вода и преставуваат опасност за учесниците во сообраќајот. На социјалните мрежи поставија слика како ловат риби во нив, алудирајки на големината на дупките а дел од граѓаните прикачија и фотографии и со уништени и скршени бандажи

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.