Фото и Видео: Васил Гарванлиев пее во живо македонски евергрини – со Алич го спрема новиот проект ,, Дом, Патување, Љубов’’

1856

Струмичанецот  Васил Гарванлиев по ,, Ѓердан,, го спрема својот втор проект кој го наслови  ,, Дом, Патување, Љубов’’. Станува збор за проект кој Гарванлиев го работи со гитаристот од бендот Јупитер- Горан Алич на сцената во Домот на културата во Струмица. Таму во присуство на одбрана публика облечени во црно бела комбинација во живо се интерпретираат на гитара, избрани македонски евергирни од последните 60 години .

,, Дом, Патување, и Љубов се трите столба и нишката помеѓу нив што ги врзува убавите спомени, и не потсетува од каде сме, каде живееме, за што се бориме, и кон што се стремиме истовремено. Со проектот допирам до нашите корени за да потсетам, споделам, и ја едуцирам глобалната публика за нас и нашето богатство,,  ни изјави Гарванлиев кој тврди дека сите песни публиката ги знае и ги пее.

Васил Гарванлиев открива дека проектот започнува и завршува со мелодиско прашање без зборови со гитара, што всушност е и скриената порака на проектот во кој ќе ја има ,,Чија си’’ од Димитров а тука се и други осум песни тематски споени

,, Ова е голем залак за мене зошто се е во живо. Тој фокус и одговорност бараше многу труд и вежбање. Многу сум горд и благодарен на целата екипа и гостите кои беа присутни на снимањето,, ни изјави Гарванлиев кој најави дека целиот проект ќе биде објавен на својот јутјуб канал а за Дрнка.МК откри дел од атмосферата од снимањето на проектот Дом. Патување. Љубов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.