Фотогалерија – Мали играорци од земјава и странство на Фестивалот ,,Оро весело ’’ во Радовиш – ги презентираа традиционалните ора

865

Над стотина дечиња од повеќе фолклорни друштва од Македонија но и од Бугарија и ТСрбија беа дел од меѓународниот детски фестивал ,,Оро весело’’ кој по 19-ти пат го организира фолклорниот ансамбл ,,Бучим’’ од Радовиш. Тие на плоштадот ,,Св Спасо Радовишки’’  ги презентираа своите народни носии но и традиционалните ора од местата од каде што дојдоа а радовишани уживаа во нивните настапи.

На фестивалот настапија дечиња играорци од Бугарија и Србија како и детски фолклорни ансамбли од Конче, Охрид, Кочани, Штип, Оризари, Битола, Кичево и Скопје. Во склоп на фестивалот дел од учесниците ја посетија Општина Радовиш, каде беа разменети подароци помеѓу домаќините и гостите на фестивалот.

,, Убавина. Срце ни се полни кога гледаме како најмладите сакаат да го негуваат својот фолкор. Видовме разновидни ора. Малите играорци навистина се покажаа во одлично светло и докажаа како треба да се негуваат корените и традицијата,, коментираа радовишани кои во центарот на градот ги следеа настапите на десетината фолклорни детски ансамбли.

Фестивалот ,,Оро весело’’ е под покровителство на рудникот Бучим и општина Радовиш и е во организација на фолклорниот ансамбал ,,Бучи’’ од Радовиш под раководство на директорот – Драган Горгиев. Фестивалот траеше два дена на 14 и 15 јуни и беше дел од манифестацијата 1000 години Радовиш

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.