ФКТ Ристо Шишков годинава на отворено, претставите ќе се играат на сцената на СОФ во градскиот парк во Струмица

289

Фестивалот на камерен театар „Ристо Шишков“ Струмица, ќе се одржи на отворено на сцената на Струмица опен Фест 2020 во големиот градски парк и со ограничен број посетители, согласно владините мерки и протоколи. Вака информираше Ване Ристов Патриков директор на Фестивалот, кој откри дека во опција бил и струмичкиот плоштад но заради фрекфентноста на тој простор, изборот паднал на локацијата во градскиот парк која е оградена и на која се одржуваше Струмица опен Фест. Од таа причина овие денови ќе се финализираат потребните сегменти на тој простор за да се одигруваат театарски престави

Станува збор за Фестивал посветен на актерската игра. Во официјалната програма ќе се одиграат шест претстави и една монодрама сите исклучиво од земјава.  Планирана е и изложба и етно-концерт за да се спои театарот со музиката. Заради пандемијата годинава ќе нема претстави од странства, а целата организација ќе биде согласно протоколите за настани на отворено.

Фестивалот каде се доделува само една награда и тоа за најдобра актерска игра почнува на 8 септември Засега се уште не е одлучено дали на годинашново издание на ФКТ Ристо Шишков ќе се доделуваат и Нета – наградите

Наградата за најдобра актерска игра на фестивалот, тежи 1.500 евра и златен медалјон со ликот на бардот на македонското глумиште Ристо Шишков.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.