Три училишни тима од Гевгелија преку акција ќе собираат пластика од Илинденска за да ја продадат и купат дрвца кои ќе ги садат

1181

Здружението ,,Changemakers” од Гевгелија  утре ќе спроведе едукативна акција за чистење на отпадот на која ќе се приклучат млади гевгеличани кои ќе бидат поделени во три тима придружувани со професори и наставници и меѓу себе ќе се натпреваруваат кој повеќе ќе собере пластика што се рециклира. Целата акција ќе се спроведе со екипи на ЈП Комуналец од Гевгелија кои вршејки ја својата дејност ќе ги презентираат изворно и работите од терен . Ќе се чистат локациите на улицата ,,Илинденска”  маало кое во 2010 тата година беше прогласено за најчисто .

Како што информира од ,,Changemakers” ќе бидат формирани три тима и тоа од ООУ Крсте Петков Мисирков, ООУ Владо Кантарџиев и од СОУ Јосиф Јосифовски. Тимовите освен што ќе се едуцираат ќе собираат отпад со посебно издвојување на пластика која ќе биде однесена за рециклирање во фабриката ,,Близнак Ком” каде учениците исто така ќе се запознаат со процесот на рециклажа и што се прави од неа. Тимот што ќе победи ќе биде добие едукативна екскурзија на Кожув како награда

,,Нашата цел е преку едукација, забава и награда да ги едуцираме но и да ги потикнеме младите да се вклучат во заштитата на нашата општина и да имаме чиста Гевгелија. Едноставно главна улога ни е да ги мотивираме младите и да знаат кои се последиците од отпадот,, ни изјави Марина Томова од здружението

Имено според најавите младите ученици со продажбата на пластиката како што најавуваат ќе купат дрвца кои ќе ги засадат за чиста и зелена Гевгелија. Едукативната еко акција на ,,Changemakers” трите училишни тима и ЈП Комуналец започнува во 11 часот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.