Струмички пожарникари ќе помагаат во акцијата за спасување на лица од земјотресот во Албанија

1243

По барање на Владата и Дирекција за заштита и спасување, ТППЕ Струмица попладнево испрати USAR тим за урбано пребарување и спасување во соседна Драч Албанија каде утрово имаше силен земјотрес со со магнитуда од 6,4  степени.

Станува збор за осум пожарникари кои ќе дејствуваат во тимот за прабарување и спасување составен од 35 припадници на силите за заштита и спасување на државата кои тргнаа за Албанија заради активно учество во спасувањето на настраданото население но и за справување со последиците од силниот земјотрес што утрово ја погоди оваа земја.

Утрово пред 4 часот се почуствува земјотрес со епицентар на 34 километри северозападно од Тирана. Земјотресот со јачина од 6,4 степени според Рихтерова скала најголеми штети и жртви предизвикал во Драч и Тумане и непознато е колку луѓе има уште под урнатините. Досега се регистрирани 20 жртви и околу 600 повредни. Голем број европски земји испраќаат помош во вид на луѓе и опрема.

Фото ФБ фан страна Пожарникари – Струмица

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.