Струмички Астраион со победа ја отвори Супер лигата ,,комшиски’’ го надмудри Радовиш

708

Струмичките ракометари испишаа историја бидеки со победа дебитираа во Супер лигата. Во рамките на првото коло од Групата А од најелитното ракометно натпреварување на Македонија ракометарите на Астраион од Струмица на свој терен ,,комшиски’’ го надиграа тимот на Радовиш со 34:33 на полувреме 14:13.

Интересен, возбудлив и доста ефикасен меч покажаа момците на Димитар Пандев и Лупче Мијалов на стартот на новата сезона. Струмичани имаа доминација се до 40 тата минута и контуинирана резултатска предност од еден гол. Радовишани на средината од второто полувреме се заканија и направија пресврт и стасаа до плус два но во финишот од мечот струмичани покажаа смиреност и мудрост за прва победа на своето конто откако радовишани направија неколку непотребни грешки

Кај Астраион најефикасен беше најискусниот Митко Караиванов кој постигна 15 гола по 6 постигнаа Славе Јанковски и Александар Тренчевски. Три гола постигна последното засилување Давор Тасковиќ , Ѓорѓи Касапов двапати ја тресеше мрежата на радовишани а по еден постигнаа Стојанов и Ончев.

Кај Радовиш Ивица Илиев постигна 9 гола и беше најефикасен кај гостите, Здравко Постолов 6 а  по 4 гола запишаа Органџиев, Ристов и Трајанов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.