Струмичките пожарникари спасуваа возач вклештен во возило откако се забил во бетонска ограда (фото)

447

Утрово неколку минути после полноќ на булеварот ,,Климент Охридски’’ во Струмица, возило марка мерцедес излетало од коловозот и се забило во бетонските жардинерии, при што морале да интервенираат пожарникарите да го извдат повредениот возач кој бил вклештен во возилото. Како што објавија на својот ФБ струмичките пожарникари незгодата се случила 48 минути после полноќ при што интервенирале  со шест лица и едно возило а биле користени специјални хидраулични алатки за да се извади повреденото лице кое со екипа на брза помош било префрлено во болницата

,,Денес (вторник) 22.12.2020 година, во 00.48 часот на бул. Климент Охридски во близина на новата автобуска станица , ТППЕ Струмица со 1ПП возило и 6 пожарникари- спасители интервенираше на сообраќајна несреќа во која учествуваше едно патничко моторно возило марка мерцедес. Користени се специјални хидраулични алатки за да се извади повреденото лице од возилото, кое потоа е предадено на екипа на брза помош,, објавија на ФБ струмичките пожарникари.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.