Струмичка Беласица и Плачковица од Радовиш ремизираа во Дојран – ги почнаа контролките за пролетниот дел

614

Екипите на Беласица од Струмица и Плачковица од Радовиш со меѓусебен меч ги стартуваа подготовките за пролетниот дел од второлигашкото натпреварување – источно друштво. Според информациите двајцата стратези на мечот правеле комбинаторики во составите за да може да им се даде шанса на повеќе играчи и се детектираат слабостите во игра.

Резултатот го отвори Плачковица кој за пролетниот дел има нов тренер во обид да се подобри впечатокот од есенскиот дел на првенството. Станува збор за искусниот Љупчо Димитковски Гањо од кого се очекуваат подобри резултати. Радовишани поведоа со голот на Андреј Кудијан од пенал. Со резултат од 1:0 за Плачковица завршил првиот дел а во вторите 45 минути како што не информираше Ване Милков, струмичка Беласица израмнила со голот на Мартин Мирчевски по одличната асистенција на Јордан Серафимовски

Двата тима во наредниот период ги продолжуваат контролките. Беласица веќе закажа меч со Кит Го а Плачковица од Радовиш  како што ни изјави Гањо, со Тиквеш од Квадарци

фото ФК Плачковица (архива)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.