Струмица Жени направи сензација, во Скопје го надигра лидерот – непоразената Вардар Жени

1755

Одбојкарките на Струмица Жени направија сензација во рамките на 4 коло од втората фаза на Првата женска одбојкарска лига, откако во Скопје со 3:1 славеа против лидерот на табелата Вардар Жени 2019.  Струмичанки одиграа фантастичен натпревар, во кој целосно ја разниша играта на домашниот Вардар Жени, кој мораше на крајот да се помири со првиот пораз во првенството. Со ова победа Струмица Жени не само што си обезбедува плеј офф туку се стреми и за подобра позиција за разигрувањето на титулата.

Дека не се случајни гостинки во СРЦ Кале, Струмица Жени покажа уште во првиот сет. Тргнаа офанзивно, борбено и во ниту еден момент не потклекнаа во желбата за поволен резултат. Сето тоа резултираше со добивање на првиот сет со 25:22 и водство од 1:0. Лидерот Вардар Жени возврати во вториот кој го доби со 25:19. Но очигледно снемаа сили против расположените струмичанки кои во продолжение поентираа од сите можни позиции откако одлично ја поставија одбраната.

Третиот сет го добија 25:21 и освоениот бод во Скопје против непоразената Вардар Жени како да ги осоколи па во четвртиот сет со 25:18 целосно ја демолираа домашната екипа  која мораше да го положи ,,оружјето’’ и да се помири со првиот пораз во првенството.

Со новите три бода Струмица Жени има вкупно 22 бода и го чека исходот од останатите дуели за новиот распоред на прволигашката табела. Но со победата над лидерот Вардар Жени на гостински терен покажуваат  дека ова сезона имат високи амбиции.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.