Струмица донираше возило за собирање на отпад за потребите на Општина Босилово

270

Општина Струмица донираше половно специјално возило на општина Босилово за собирање и транспорт на комунален отпад. Станува збор за возило кое е функционално и беше дел од возниот парк на ЈПКД Комуналец Струмица а за кое согласност даде и Советот на општина Струмица на една од последните седници. Градоначалникот на Босилово Ристо Манчев на својот ФБ изрази благодарност до општина Струмица и ЈП Комуналец.

,, Општина Босилово поседува едно возило за собирање на смет, кое поради неисправност и дотраеност не е секогаш во функција поради што доаѓа до застој во собирањето на сметот. Со оваа возило и новото возило за собирање на смет кое очекуваме до крајот на месец Август да пристигне како донација од амбасадата на Јапонија значително ќе се унапреди квалитетот на услугите за собирање на смет. Наша цел, како општина е да обезбедиме дополнителни возила и постепено да го унапредуваме квалитетот на услугите и да ги вклучиме сите населени места во Општина Босилово во процесот на организирано собирање на смет,, напиша Манчев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.