Стојчев и понатаму Градоначалник на Ново Село – нема кој да го смени на општинскиот сајт

306

Повеќе од четири месеци како Боро Стојчев си поднесе оставка од градоначалничката функција во општина Ново Село, на официјалната веб страна на општината  сеуште стои неговото име како прв човек на ова локална самоуправа. Стојчев  изминатото лето беше фатен при обид за шверц на цигари на македонско бугарската граница и беше осуден на казна затвор од шест месеци.

Под притисок на јавноста и по барање на  неговата матична партија СДСМ, во октомври Стојчев си поднесе оставка од функцијата по што со општината почна да раководи советникот Горан Цветков како земник Градоначлник. На седница кога се носеше Буџетот во декември, Горан Цветков беше избран за ВД Градоначалник бидејки на таа функција согласно законот можеше да дојде единствено член на Советот.

Но иако од декември е ВД градоначалник, неговото име и понатаму стои како советник а на Боро Стојчев како градоначалник. Горан Цветков ќе ја води општината се до одржувањето на предвремените градоначалнички избори во општина Ново Село закажани на 21 април за што веќе кружат имиња во јавноста.

Ова не е првпат да затајува општинската администрација на Ново Село во ажурирањето на веб страната на општината. По завршувањето на локалните избори во во октомври 2017 на општинскиот сајт со месеци стоеше името на Блажо Велков дека е градоначалник на општина Ново Село, иако  Боро Стојчев како кандидат на СДСМ веќе седеше на градоначалничката фотелја. Тогаш општинската админситрација се правдеше дека се изработувала нова веб страна и затоа немало корекции во избраните функционери.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.