Стационарот за бездомни кучиња во Струмица при крај, вториот ќе се гради кај Казандол Валандовско

1297

Вториот стационар за бездомни кучиња планиран во Југоистокот нема да се гради во Гевгелија. Општинските власти за локалитетот ,,Сува река’’ не успеале да ги обезбедат потребните документи и дозволи па место во Гевгелија стационарот ќе се гради кај Валандово.

Градоначалникот Перо Костадинов потврди дека се разговарало вториот центар за прифакање и згрижување на кучињата скитница за гевгелиско валандовскиот регион  да биде во неговата општина. Како локација, го посочи местото каде што ќе се градеше рудникот Казандол.

Во Струмица изградбата на стационарот е при крај. Како што неодамна кажа градоначалникот Јаневски, тој треба да биде готов до крајот на мај. Паралелно тече и постапката за набавка на возила со кои ќе се врши заловувањето на кучињата скитници во струмичко радовишкиот регион.

Изградбата на стационарите за кучињата скитници оди преку Центарот за развој на јгуоисточниот плански регион во кој партиципираа десетте општини од овој дел на државата. Со изградбата на двата прифатни центри општините треба да го решат проблемот со кучињата скитници за чие заоловување и третирање досега оштшините плаќаа и по 10 илјади денари за едно куче на трети фирми

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.