Жената пронајдена мртва во својот дом во Струмица била задавена, соопшти Јавното обвинителство

4160

83 годишната жена која завчера беше пронајдена мртва во својот дом на улицата ,,Димитар Цветинов’’ не починала од природна смрт. Според првичните информации таа починала од задушување односно била задавена. Веста ја потврдија и од Основното Јавно обвинителство во Струмица каде случајот ќе го водат како убиство за што веќе е отворена постапка и веќе биле издадени наредби за собирање на дополнителни докази.

Телото на жената беше пронајдено во семејната куќа каде што живеела во петокот попладне од нејзини најблиски, при што веднаш повикале брза помош. По пријавата во полицијата веднаш беше излезено на терен при што ја блокираа улицата до домот. Увид од надлежните се вршеше и во саботата во претпладневните часови. За да се утврдат причините за смртта телото на старицата беше  предадено на обдукција.

Од обвинителството во интерес на истрагата не соопштија повеќе детали, освен дека станува збор за убиство.

Соседите кажаа дека старицата живеела сама. Ја виделе во петокот како се враќала од Црква за празникот Св. Јован а вечерта разбрале дека таа била пронајдена мртва во нејзиниот дом.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.