Со европски пари ќе се реновира Саат кулата и Турската бања во Дојран а ќе бидат поврзани со патеки од калдрма !

1041

Деновиве со пари од ЕУ почнаа работите за реконструкцијата старата Саат Кула и турската бања во Дојран со изградба на пристапни пешачки патеки како дел од прекуграничниот проект. Станува збор за два значајни кутлурно историски споменици кои биле уништени за време на првата светска и балканските војни. Општина Дојран со реконструкцијата на овие два објекти очекува збогатување на туристичката понуда и враќање на духот на старото маало во Дојран.

Саат кулата претставува архитектонско достигнување од 19 век. За време на Првата светска војна кулата и камбанаријата биле срушени, а останале остатоци од кулата до последниот венец. Според проектот, Саат Кулата треба да биде висока околу 18 тина метри на самиот врв со платфрома за наблудување и саат а подрачјето околу неа хориткултурно уредено со клупи за одмор

,,Турската бања” или ,,Градскиот амам” во Стар Дојран исто така е срушена во Првата светска војна. Планирано е да се извршат конзерваторски и реставраторски работи на сочуваните делови на локацијата за да се сочува автентичноста на амамот но и  расчистување и уредување на областа околу овој објект кој предизвикува огромен интерес кај посетителите.

Проектот предвидува и уредување на постојните патеки што ги поврзуваат Саат кулата и Турската бања кои ќе бидат поплочени со обичен камен-калдрма. Станува збор за патеки во должина од околу 500 метри кои ке бидат поврзани и со локалните улици

,,Повторното враќање на стариот сјај на ,,Саат Кулата” ќе придонесе за развој на туризмот во Дојран и привлекување на нови туристи. Саат-кулата била разрушена за време на Балканските војни.Таа била висока околу 10 метри и со својата височина доминирала во околината. Часовникот сите граѓани ги известувал за времето, трговците и занаетчиите за отварање и затварање на дуќаните, рибарите за одење на мандрите,, објави на својот ФБ градоначалникот на Дојран Анго Ангов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.