СОУ Јане Сандански Струмица реши децениски проблем и доби нова спортска сала, догодина ќе се инсталираат грејни тела

359

Во присуство на професори ,спортски работници и ученици  беше предадена во употреба спортската сала при СОУ Јане Сандански. Станува збор за нова сала која е изградена на претходната која не ги исполнуваше условите за настава по спорт и физичка култура.

Новата спортска сала ја градеше скопската фирма „Пирамид Билдинг Солушнс“ која го доби тендерот во декември 2021 во конкуренција на 6 фирми. Заради непредвидени ситуации на терен во јуни годинава беше склучен анекс на Договорот со што вкупната вредност на салата се зголеми на 19 милиони денари или околу 308 илјади евра. Салата се градеше со пари на училиштето но и од општинската каса

,,Училиштето имаше свои средства за изградба на салата, но тие не беа доволни без помош од Општината. Резулататот го гледаме денеска, на овој историски ден за нашето училиште, но и за Општина Струмица и сите можеме да се гордееме со тоа, рече директорката Стојанова.

Објектот се состои од два дела. Салата е со 450 метри квадратни површина а има и  простор за гардероби, канцеларии за професорите и помошни простории за складирање и чување на реквизитите

Запрашана како ќе се грее новиот објект, директорката Стојанова подвлече дека следната година ќе бидат инсталирани грејни тела .

,,Посакувам оваа сала да даде уште многу спортски легенди, како што е кошаркарот Владо Илиевски, со кого веќе разговаравме игралиштето на отворено да биде негова донација во знак на благодарност на училиштето, благодарение на кое тој е најголема струмичка и македонска кошаркарска легенда“, рече Костадинов во денешното обраќање на отворањето на салата во СОУ Јане Сандански Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.