Созреано е времето Струмица да има јавен превоз, вели Милановиќ од Струмица гас кои ги правеа анализите за овој проект

335

ЈП Струмица гас ги прави анализите за воведување јавен превоз во општина Стурмица. Така соопшти директорот на ова претпријатие Благој Милановиќ кој смета дека ситуацијата во општина Струмица е созреана за имплеметација на ваков проект

,,Градоначалникот не задолжи да ги направиме анализите и истражувањата за можноста за воведување јавен превоз. Апсолутно ситуацијата е повеќе од созреана за ваков проект. Анализата покажа дека најисплатливо е јавниот превоз да биде со електрични автобуси а ние да ја тераме целата постапка бидејки сме екипирани. Идејата е да бидат опфатени и населените места во општина Струмица. Анализите покажаа дека јавнито превоз ќе придонесе за подобрување на условите за живот во населените места, да се спречи миграцијата и да им се помогне на сите жители кои на работа доаѓаат во Струмица но и да се отвораткапацитети во населните места,, кажа Милановиќ директор на Струмица гас.

Дека на Струмица и е потребен јавен превоз во време на криза објави на ФБ градоначалникот Костадин Костадинов. Како што тој објави неговата визија е да биде еколошки и во согласност со долгорочната стратегија на ЕУ, европскиот зелен договор.

,,Оваа моја идеја ќе ја презентирам пред граѓаните преку форумот на заедниците, пред советот од кој ќе ја барам поддршката да сите заедно се запишеме во историјата на нашиот град,, напиша Костадинов

Советничката група на ВМРО ДПМНЕ денес пак објави дека доставиле предлог точка за следната седница на Советот за воведување организиран јавне превоз

,,Јавниот превоз ќе ни овозможи поефтина мобилност на граѓаните во Струмица и населените места, а ќе го намали сообраќајниот метеж и аерозагадувањето. Одлуката предвидува и изготвување правилник за субвенционирање на постоечките превозници доколку се вклучат во јавниот линиски превоз,, напиша Маџунков коориднатор на советничакта група на ВМРО ДПМНЕ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.