“Слободата на мислата е слобода на изразување” – Трибина во Струмица за Репортери без граници

189

Во Струмица се одржа Јавна Трибина за Репортери без граници во рамки на проектот “Граѓанско сојузништво за репортери без граници” имплементиран од страна на Центар за истражување и анализи НОВУС во партнерство со Медија Флеш 

Новинарството треба да го сфаќаме како јавно добро, многу е важно да се остане новинар, а да не бидете заробен во мислата истакна Младен Чадиковски, Претседател на ЗНМ кој зборуваше на тема колку слободно известуваат новинарите во Република Северна Македонија.

Ване Трајков, професионален новинар од ТВ Канал ВИС на тема со какви проблеми се соочуваат новинарите од терен истакна дека најголем проблем е недостатокот на финансиски ресурси кои им се потребни да излезат на терен и дека ПР службите на некој начин го потиснуваат правото професионално новинарство.

Димитар Мицев, сопственик на ТВ Канал ВИС и член на Комисијата за жалби при СЕММ зборуваше на тема како да се заштитат новинарите и другите медиумски работници и тој истакна дека медиумите се соочуваат со големи пристисоци на дневна база. Исто така потенцираше дека во законот за новинарство се прават напори напад врз новинари да се третира исто како и напад врз службено лице со цел да се заштитат новинарите.

е потикна и прашањето колкава е потребата од вклучување на медиумската писменост како предмет во формалното образование каде дојдовме до сознание дека околу 300 наставници веќе се обучуваат за медиумска писменост преку проект на МИМ – македонски институт за медиуми и набрзо ќе бидат распределени во училишните настави за предметот медиумска писменост за кој сите се согласија дека е од голема важност и потреба за младите.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.