Се спрема теренот за асфалтирање улици во Василево и Сушево, Јанев најавува и во други населени места

334

Деновиве во општина Василево, градежна механизација работи на подготовка на теренот за асфалтирање на пет улици од кои четири во општинскиот центар и една во населеното место Сушево.

Станува збор за улици кои се предвидени во Програмата за изградба на локални патишта и улици за минатата година кои како приоритет ги детектираа жителите на самите населени места  а средствата беа обезбедени од Буџетот на општината.

Како што објави градоначалникот на Василево Марјан Јанев по асфалтирањето улици во Радичево и Дукатино, овие денови асфалт треба да добијат и улици во Василево и Сушево. Според неговата најава наредни места каде што ќе се асфалтираат улици и во Пиперево, Ангелци, Нова Маала, Доброшинци, Чанаклија, Седларци и Едрениково.

Истовремено се подготвува документација за објава на јавна набавка за изградба на улици од програмата за 2021 година кои ќе бидат изградени во текот на летниот период.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.