Се спрема за асфалтирање улицата од црквата до училиштето во Василево

165

Градоначалникот на општина Василево, Славе Андонов изврши увид во текот на градежните активности на улицата во населеното место Василево, која се реконструира  на потегот од црквата Пресвета Богородица  до  ООУ „Гоце Делчев“ односно спојот со главната улица кај училиштето.

Вкупната должина на делот кој ќе се асфалтира  изнесува 720 метри. Одводнувањето е решено со подземна атмосферска канализација и попивателни јами како крајни рецептори на атмосферските води.

„После подолг преќин, пред извесен период, градежната компанија која ги изведува активностите, продолжи со  работа на терен и  во моментот се работи на тампонирање на трасата. За многу кратко време, изградбата на дел од улицата  ќе финализира, односно еден дел ќе биде асфалтиран. Во периодот што следи, во  континуитет ќе продолжат планираните активности и на останатиот дел од улицата“, информираше градоначалникот Славе Андонов по посетата на терен.

Вкупиот буџет за изградба на оваа улица изнесува околу 6,5 милиони денари од кои околу 4,5 милиони се средства на општината  а  2 000 000 се обезбедени од Бирото за регионален развој, Министерство за локална самоуправа.

Изведувач на градежните работи  е компанијата Евроградба Инженеринг од с. Владевци.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.