Се асфалтираше улица во индустриската зона Василево, со пари што ги обезбеди Центарот за развој на Југоистокот

1534

Преку Центарот за развој на Југоисточниот плански регион, во индустрисиката зона Василево се асфалтираше улица во должина од околу 230 метри со што значително се олеснува пристапот до индустриските капацитети во ова зона, но се отвара можност и за изградба на нови објекти. Како што објави градоначалникот на Василево Марјан Јанев станува збор за улицата помеѓу објектите на Тритерол и Евромак со широчина од 6 метри за што Центарот за развој на Југоистокот средствата во висина од 5 милиони и 150 илјади денари ги обезбеди минатата година, кога успеа да излобира од централната власт дополнителнит 10 милиони денари зареализација на нови три проекти во овој дел на државата.

,, Станува збор за улица број 9 во индустриската зона која опфаќа повеќе капацитети што се наоѓаат спроти општинскиот центар Василево. Улицата е со атмосферска канализација, широќината е 6 метри а дебелината на асфалтниот слој е 15 сантиметри.  Во наредниот период ќе бидат изградени и тротоари од двете страни на ова улица во должина од околу 230 метри. Секако дека со подобрувањето на патната инфраструктура се подобруваат и условите за работа на стопанските субјекти во ова зона но и соодветен економски развој на општината што е наша приоритетна цел,, ни изјави градоначалникот на Василево Марјан Јанев

Улицата ја асфалтираше фирмата ,,Дикор ЦД’’ од Струмица која по распишаниот тендер на Центарот за развој на Југоисточниот плански регион во февруари годинава во конкуренција на 10 фирми достави најниска понуда.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.