Преку „eFidar“ ТППЕ Струмица ќе добие ново возило – склучен договор со Тимак од Албанија

173

Центарот за развој  на Југоисточниот плански регион склучи договор за набавка на противпожарно возило за ТППЕ Струмица во рамките на проектот eFIDAR изминатиов период распиша тендер. Станува збор за возило во рамките на проектот “Рано откривање на пожарите и нивното движење за превенција и справување со катастрофи “ со кој досега нови возила добија пожарникарите од Валандово и Гевелија.

„Центарот за развој на Југоисточниот плански регион во рамките на проектот “Рано откривање на пожарите и нивното движење за превенција и справување со катастрофи – eFIDAR”, по објавениот тендер за Набавка на возило за заштита од шумски пожари – Мал противпожарен камион за гаснење пожари во шуми и градови, успешно склучи договор со компанијата TIMAK Sh.p.k. TIRANA, Албанија“, соопштија од Центарот.

Центарот е проектен партнер во овој проект и го имплементира заедно со Регионот на Централна Македонија, Грција и Центар за управување со кризи, Република Северна Македонија. Проектот е финансиран од страна на Европската Унија преку Интеррег ИПА Програмата за прекугранична соработка помеѓу Грција – Р. Северна Македонија, Реф. Бр. CN2- SO2.4-SC044.

Општата цел на овој проект е ефикасно откривање и управување со шумски пожари во прекуграничната област преку соодветни ИКТ алатки и соодветна опрема и возила со цел зголемување на подготвеноста, како и размена на практики меѓу партнерите од двете земји.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.