Пред стартот на новата сезона, Академија Пандев донесе уште двајца репрезентативци

1364

Пред неделниот старт на новото фудбалско првенство, Академија Пандев промовираше две нови засилувања со кои се очекува во новата сезона Академијата на Горан Пандев да биде респектабилен тим за високи дострели. Станува збор за двајца крилни офанзивци Кире Маркоски и Кристијан Трапановски кои денеска беа официјализирани од страна на клубот пред неделниот премиерен меч со Пелистер

Кире Маркоски е актуелен репрезентативец на Македонија, доаѓа од редовите на чешкиот прволигаш Карвина. Претходно има играно и за  Македонија ЃП, Работнички, Спартак Трнава и за АЕЛ Лимасол. Кристијан Трапановски е младински репрезентативец на Македонија и е повратник во тимот на Академија Пандев, откако пред неколку години замина во Славија Прага. Во својата кариера уште има настапувано и за тимовите на Татран Прешов, Викторија Жишков и Подбрезова.

Пандевци сезонава ќе биде буквално на репрезентативен погон, зашто во Струмица дојде Марјан Радески, А-репрезентативецот од Шкендија, потоа Никола Серафимов, младинскиот репрезентативец до 21 година, Бојан Димовски, младинскиот репрезентативец до 19 години. Академија Пандев го донесоа и Милан Томиќ кој го засии средниот ред на Академија Пандев. 20-годишниот фудбалер доаѓа од екипата на Црвена Звезда и стави потпис на двегодишен договор со нашиот тим

Инаку ФК Академија Пандев ги промвираше и новите дресови со кои ќе играат во новото првенство на домашен и гостински терен. Со заедничка фотографија со менторот Горан Пандев кој во моментов престојува во Струмица се објавени сите фудбалери со стручниот штаб на Академијата.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.