Во рамките на осмото првенствено коло од Втората кошаркарска лига Исток се сретнаа двата струмички кошаркарски клуба КК Струмица и КК Ролинг 08. Во ова прво меѓусебно второлигашко соочување во сениорска конкуренција подобри беа кошаркарите на Златко Зетов и Атанас Цикарски кои славеа сео 89:65.
Екипата на Струмица победата ја најави уште во првата четвртина која ја добија со 11 поени разлика (23:12). Во ист стил продолжија и во вториот период кој го добија со 25:14 и на одмор заминаа со 21 поен предност. Во првото и второто полувреме стратезите на двата тима предност им дадоа на младите кошаркари кои на теренот во СОУ Никола Карев се надмудруваа. КК Струмица ја продолжи својата доминација и во третата четвртина која ја добија со 30:18 а последниот период им припадна на гостите кошаркарите на Ролинг 08 со 20:11.
Двата тима покажаа борбеност и желба за докажување со оглед дека стануваше збор за струмичко дерби, но поискусните КК Струмица на крајот славеше против дебитантот во ова натпреварување КК Ролинг 08. Кошаркарите на Струмица од 8 кола имаaт одиграно 6, во кој има остварено 3 победи и три пораза додека тимот на Ролинг 08 сеуште ја чека шансата за првата второлигашка победа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
